მთავარი / ახალი ამბები / ხაჯიმბამ მთავრობის ახალი ხელმძღვანელი დანიშნა

ხაჯიმბამ მთავრობის ახალი ხელმძღვანელი დანიშნა

გენადი გაგულია, რაულ ხაჯიმბა და ბესლან ბარციცი. ფოტო: abkhazinform.com

ოკუპირებული აფხაზეთის ლიდერმა რაულ ხაჯიმბამ 24 აპრილს გენადი გაგულია რეგიონის 12-წევრიანი მთავრობის ხელმძღვანელად დანიშნა. მან ამ პოსტზე ბესლან ბარციცი შეცვალა, რომელსაც ეს თანამდებობა 2016 წლის აგვისტოდან ეკავა.

დღეს მთავრობისთვის ახალი ხელმძღვანელის წარდგენისას ხაჯიმბამ განაცხადა, რომ ცვლილება „სამუშაო პროცესის“ ნაწილია. „მთავრობა განაგრძობს მუშაობას და ის საკითხები, რომლებიც ჩვენს წინაშე დგას, უნდა მოგვარდეს“, – აღნიშნა მან.

გენადი გაგულიას 2005 წლიდან რეგიონის სავაჭრო პალატის ხელმძღვანელის თანამდებობა ეკავა. მას ორჯერ ეკავა ოკუპირებული რეგიონის პრემიერ-მინისტრის თანამდებობა – 1995-1997 და 2002-2003 წლებში.

This post is also available in: ინგლისური რუსული

About Civil.ge

This is a product produced by Civil.ge team, delivering news and commentary on Georgia since 2001.