მარგველაშვილი კვირიკაშვილს და კობახიძეს აშშ-ს მიერ საქართველოს მხარდამჭერი აქტის მიღების ინიციატივასთან დაკავშირებით კონსულტაციებს სთავაზობს
საქართველოს პრეზიდენტმა გიორგი მარგველაშვილმა პრემიერ-მინისტრ გიორგი კვირიკაშვილს და პარლამენტის თავმჯდომარეს, ირაკლი კობახიძეს აშშ-ს მიერ საქართველოს მხარდამჭერი აქტის მიღების ინიციატივასთან დაკავშირებით პოლიტიკური კონსულტაციების გამართვა შესთავაზა.
პრეზიდენტმა მარგველაშვილმა პირველად ინიციატივა ამერიკის შეერთებულ შტატებში ბოლო ვიზიტის დროს გაახმოვანა, სადაც მან უთხრა ამერიკელ კანონმდებლებს, რომ საქართველოს მხარდამჭერი აქტი გააძლიერებს საქართველო-აშშ-ის ურთიერთობებს და მათ თანამშრომლობის ძალიან მაღალ დონეზე აიყვანს.
პრეზიდენტის პრესსამსახურის ინფორმაციით, ოფიციალური წერილი უკვე გაეგზავნა პარლამენტის თავმჯდომარეს და პრემიერ-მინისტრს, რომლითაც ეცნობათ მათ ინიციატივის დეტალების და კონსულტაციების გამართვის მზადყოფნის შესახებ.
ამავე ინფორმაციით, უკვე შედგა ზეპირი კომუნიკაცია პრემიერ-მინისტრთან და საგარეო საქმეთა მინისტრთან მიხეილ ჯანელიძესთან.
ეროვნული უშიშროების საბჭოს მდივანმა დავით რაქვიაშვილმა განაცხადა საკითხის კომენტირებისას, რომ დოკუმენტი „ძალიან დროული და ადეკვატური პასუხი იქნება გაზრდილ გამოწვევებზე“, რომლებიც რუსეთის ფედერაციიდან გამომდინარეობს.
