”რუსთავი 2”-ის თანამფლობელს კომუნიკაციების მარეგულირებელი კომისიის წევრობა სურს

ირაკლი ჩიქოვანს, რომელიც ტელეკომპანია ”რუსთავი 2”-ის გენერალური დირექტორი იყო, კომუნიკაციების ეროვნულ მარეგულირებელ კომისიაში ვაკანტური თანამდებობის დაკავება სურს.

ჩიქოვანი ტელეკომპანია ”რუსთავი 2”-ის აქციების 30%-ის მფლობელია.

პარლამენტის ვიცე-სპიკერმა და დეპუტატმა ლევან ვეფხვაძემ ქრისტიან-დემოკრატებიდან განუცხადა Civil.Ge-ს 21 აპრილს, რომ კომისიის წევრად დამტკიცების შემთხვევაში ჩიქოვანს მოუწევს მის აქციებზე უარის თქმა, რადგანაც ეს ინტერესთა კონფლიქტი იქნება. კომუნიკაციების ეროვნული კომისიის იურიდიულმა დეპარტამენტმა Civil.Ge-ს კომენტარზე უარი უთხრა.

იმავდროულად, ქართული მედია იტყობინება, რომ ჩიქოვანი გენერალური დირექტორის თანამდებობაზე გიორგი გეგეშიძემ შეცვალა. გაზეთ ”რეზონანსის” და ვებგვერდის Media.ge-ს თანახმად, გეგეშიძე ჩიქოვანის ბიზნეს პარტნიორია სარეკლამო კომპანიაში Magi Style. ”რუსთავი 2”-ის მენეჯმენტმა კომენტარზე უარი განაცხადა.

სულ ხუთი ადამიანი იბრძვის კომისიაში დარჩენილი ერთი ვაკანტური ადგილის დასაკავებლად. სავარაუდოდ, ამ ადგილს ირაკლი ჩიქოვანი დაიკავეს და შესაძლებელია, რომ ის მომავალში კომისიის თავმჯდომარეც გახდეს.   

This post is also available in: English (ინგლისური) Русский (რუსული)