ზურაბ აბაშიძემ კულტურის მინისტრობაზე უარი თქვა

ზურაბ აბაშიძემ, რომელიც 2004 წლის დასაწყისამდე საქართველოს ელჩი იყო რუსეთში, უარი თქვა კულტურის მინისტრის თანამდებობაზე.

მისი თქმით, პრემიერი-მინისტრი გრიგოლ მგალობლიშვილი მის უარს “გაგებით” შეხვდა.

თუმცა, აბაშიძემ ასევე განაცხადა, რომ მან პრემიერ-მინისტრს საკუთარი სამსახური შესთავაზა საგარეო საქმეთა სამინისტროში, თუმცა ამ საკითხზე რაიმე გადაწყვეტილება ჯერ მიღებული არ არის.

იმავდროულად, ახლად დანიშნულმა საგარეო საქმეთა მინისტრმა გრიგოლ ვაშაძემ განაცხადა 5 დეკემბერს, რომ მან გადაწყვიტა დანიშნოს საქართველოს ყოფილი საგარეო საქმეთა მინისტრი ირაკლი მენაღარაშვილი “ჩემი, ან საგარეო საქმეთა სამინისტროს მრჩევლად”. მენაღარაშვილი საგარეო საქმეთა მინისტრად ექს-პრეზიდენტ ედუარდ შევარდნაძის ადმინისტრაციაში მსახურობდა 1995-2003 წლებში.

6 დეკემბერს პრეზიდენტი სააკაშვილი შეხვდა დეპუტატებს ნაციონალური მოძრაობიდან და სხვა საკითხებთან ერთად მათთან მთავრობაში განხორციელებული ცვლილებები განიხილა.   

This post is also available in: English Русский