თავდაცვის სამინისტროს დელეგაცია ნატოს შტაბ-ბინაში შეხვედრებს მართავს
თავდაცვის სამინისტროს დელეგაცია საქართველოს შეიარაღებული ძალების გენერალური შტაბის უფროსის, პოლკოვნიკ ლევან ნიკოლეიშვილის ხელმძღვანელობით 14 დეკემბერს ოფიციალური ვიზიტით ბრიუსელში გაემგზავრა.
თავდაცვის სამინისტროს ინფორმაციით, ნატო-ს შტაბ-ბინაში ქართული მხარე ნატო-ს გენერალური მდივნის მოადგილეს ჯონ კოლსტონს, ნატო-ს წევრი ქვეყნების ელჩებს და სამხედრო წარმომადგენლობების ხელმძღვანელებს შეხვდება.
ოფიციალური ვიზიტისას განიხილება ნატო-სთან საქართველოს ინდივიდუალური პარტნიორობის სამოქმედო გეგმით (IPAP) გათვალისწინებული ვალდებულებების შესრულება. მხარეები ასევე იმსჯელებენ საქართველოს ნატო-ში ინტეგრაციისათვის სამომავალო ღონისძიებებზე.
ქართული დელეგაცია ბრიუსელში ოფიციალურ ვიზიტს 19 დეკემბერს დაასრულებს.
This post is also available in: English (ინგლისური) Русский (რუსული)