ოპოზიცია პრაიმერის 17 სექტემბერს ჩაატარებს

ოთხი ოპოზიციური პარტიის მიერ დაკომპლექტებულმა საარჩევნო კომისიამ 11 აგვისტოს  გამართულ სხდომაზე შიდა არჩევნების, ანუ პრაიმერის ჩატარების თარიღად 17 სექტემბერი დაამტკიცა.

პრაიმერის ჩატარების შესახებ მემორანდუმს ოთხი ოპოზიციური პარტიის – „კონსერვატორების“, „ახალი მემარჯვენეების“, „ლეიბორისტების“ და „თავისუფლებას“ ლიდერებმა 5 აგვისტოს მოაწერეს ხელი.

პრაიმერში გამარჯვებული ოპოზიციის ერთიანი კანდიდატები 1 ოქტომბერს საქართველოს ხუთ მაჟორიტარულ ოლქში – ისანი, ქობულეთი, ბათუმი, შუახევი, ტყიბული – დაგეგმილ არჩევნებში მიიღებენ მონაწილეობას.

This post is also available in: English (ინგლისური) Русский (რუსული)