ახალი ამბები
სააკაშვილი: კორუფციასთან ბრძოლის საქმეში არანაირი შესუსტება არ იქნება
საქართველოს პრეზიდენტის მიხეილ სააკაშვილის განცხადებით, სანამ იგი ქვეყნის პრეზიდენტია, “კორუფციასთან ბრძოლის საქმეში არანაირი შესუსტება არ იქნება“.
“კორუფციასთან ბრძოლით ბევრი მტერი გავიჩინე, მაგრამ მე ასეთი მტრების არ მეშინია. ჩემი პრინციპია – არამზადა სჯობს გვერდზე იყოს; მთავარი კი ქართული საზოგადოება და კანონის უზენაესობაა“, განაცხადა 21 ივნისს იუსტიციის უმაღლესი საბჭოს წარდგინებით დანიშნულ ახალ მოსამართლეებთან შეხვედრისას მიხეილ სააკაშვილმა.
პრეზიდენტმა ასევე გააკრიტიკა ვაკე-საბურთალოს რაიონის გამგებელი ავთანდილ დავითაძე და განაცხადა, რომ ქრთამის “ამღები ყველა მოხელე სათანადოდ დაისჯება”.
ამ განცხადების შედეგად ავთანდილ დავითაძემ, გავრცელებული ინფორმაციით, თანამდებობა დატოვა.