ცხინვალის რეგიონის ქართულ სოფლებთან დამაკავშირებელი შემოვლითი გზა გაიხსნა

დღეიდან დიდი და პატარა ლიახვის ხეობის დამაკავშირებელი შემოვლითი გზით, რომელიც ბოლო ორი კვირის განმავლობაში ჩაკეტილი იყო, ავტობუმა დაიწყო მოძრაობა. 

შიდა ქართლში პრეზიდენტის რწმუნებულის მიხეილ ქარელის ინფორმაციით, ავტობუსი შემოვლითი გზით, ქურთა-ერედვის მიმართულებით მანამ იმოძრავებს, სანამ ცხინვალის გავლით ქართულ სოფლებთან დამაკავშირებელი ცენტრალური გზა არ გაიხსნება, რომელიც 6 ივნისს ცხინვალიდან ოთხი ქართველის გაუჩინარების შემდეგ შექმნილი დაძაბული ვითარების გამო ჩაიკეტა.