ახალი ამბები
გილაური აზერბაიჯანში გაზის იმპორტის საკითხებს განიხილავს
სათბობ-ენერგეტიკის მინისტრი ნიკა გილაური დღეს სამდღიანი ვიზიტით აზერბაიჯანში გაემგზავრა.
მინისტრი ბაქო–თბილისი-ჯეიჰანის ნავთობსადენის ექსპლუატაციისა და აზერბაიჯანიდან ბუნებრივი აირის იმპორტის საკითხებთან დაკავშირებით აზერბაიჯანის ნავთობის სახელმწიფო კომპანიის ხელმძღვანელობასთან მოლაპარაკებებს გამართავს.
სათბობ-ენერეგტიკის სამინისტროს ინფორმაციით, მთავრობათაშორისი კომისიის ფარგლებში განიხილება შაჰდენიზის გაზსადენის მეშვეობით ბუნებრივი აირის მოწოდების საკითხი. წინასწარი ინფორმაციით, საქართველო აზერბაიჯანიდან დამატებით 3 მილიარდ მ3 აირს შეიძენს.
შაჰდენიზის გაზსადენის ამოქმედება, რომლის მშენებლობის 40% უკვე დასრულებულია, 2006 წლისთვის იგეგმება.
