ახალი ამბები
BSEC–ის წევრი ქვეყნების დიპლომატები საბერძნეთში იკრიბებიან
23 აპრილს საბერძნეთის ქალაქ კომოტინში გაიმართება შავი ზღვის ეკონომიკური თანამშრომლობის ორგანიზაციის (BSEC) საგარეო საქმეთა მინისტრთა საბჭოს მე-12 სხდომა, იუწყება საქართველოს საგარეო საქმეთა სამინისტრო.
სხდომაზე განხილული იქნება რეგიონალურ ორგანიზაციებთან და რეგიონალურ ინიციატივებთან თანამშრომლობა, წევრ-ქვეყნებს შორის თანამშრომლობა, ფინანსური და ასევე BSEC-ში დამკვირვებლის სტატუსის მინიჭებასთან დაკავშირებული საკითხები. ცოტა ხნის წინ აშშ–მ გამოთქვა სურვილი BSEC-ში დამკვირვებლის სტატუსის მიღებასთან დაკავშირებით.
საქართველოს დელეგაციას საგარეო საქმეთა მინისტრის მოადგილე კონსტანტინე ქავთარაძე უხელმძღვანელებს.
