ზურაბიშვილი: სააკაშვილის მოსკოვში ვიზიტი გადაწყვეტილი არ არის

კიევში ვიზიტის დროს 20 აპრილს საქართველოს საგარეო საქმეთა მინისტრმა სალომე ზურაბიშვილმა ჟურნალისტებს განუცხადა, რომ მისი მომავალი ვიზიტი მოსკოვში მნიშვნელოვნად განსაზღვრავს შედგება თუ არა პრეზიდენტ მიხეილ სააკაშვილის ვიზიტი მოსკოვში 9 მაისს, იტყობინება საინფორმაციო  სააგენტო “ფრანს პრესი“.

“[საქართვლოს] პრეზიდენტი ანალიზს გაუკეთებს ამ ვიზიტის შედეგებს და გადაწყვეტს, ღირს თუ არა მისი წასვლა მოსკოვში 9 მაისს“, განაცხადა სალომე ზურაბიშვილმა.

სალომე ზურაბიშვილი მოსკოვში გამგზავრებას 25 აპრილს გეგმავს. დაგეგმილია მისი შეხვედრა რუსეთის საგარეო საქმეთა მინისტრთან სერგეი ლავროვთან და რუსული ბაზების საქართველოდან გაყვანის შესახებ საკითხის განხილვა.   

This post is also available in: English (ინგლისური) Русский (რუსული)