ახალი ამბები
უშიშროების საბჭოს მდივანი მოსკოვში გაემგზავრა
საქართველოს ეროვნული უშიშროების საბჭოს მდივანი გელა ბეჟუაშვილი დღეს მოსკოვში გაემგზავრა, სადაც ორდღიანი ვიზიტის ფარგლებში თავის რუს კოლეგას იგორ ივანოვს შეხვდება.
უშიშროების საბჭოს მდივანმა განაცხადა, რომ მოსკოვში განხილული იქნება საქართველო-რუსეთის ურთიერთობები და ორ ქვეყანას შორის ჩარჩო ხელშეკრულების საკითხები.
“ხუთთვიანი პაუზის შემდეგ შეხვედრა დატვირთული იქნება, სადაც ორ ქვეყანას შორის არსებული საკითხები დეტალურად იქნება განხილული“, განაცხადა 25 იანვარს გელა ბეჟუაშვილმა.