ევროკავშირი მზადაა საქართველოში ეუთოს საზღვრის მონიტორინგის მისია ჩაანაცვლოს

ევროკავშირის წარმომადგენელმა დაან ევერტსმა 30 დეკემბერს განაცხადა, რომ ევროკავშირი მზადაა თავისი დამკვირვებლებით ჩაანაცვლოს ეუთოს დამკვირვებლები, რომლებიც რუსეთ-საქართველოს საზღვრის მონიტორინგს ახორციელებენ, იუწყება RFE/RL.

განცხადებას წინ უძღოდა რუსეთის მიერ ეუთოს საზღვრის მონიტორინგის მისიის გაგრძელებაზე ვეტოს უფლების გამოყენება. შედეგად, ეუთოს წევრი ქვეყნების დამკვირვებლები თავიანთი პოსტების დატოვებას 31 დეკემბრიდან დაიწყებენ.

თუმცა, RFE/RL ასევე აცხადებს ევროკავშირის წარმომადგენლის დაან ევერტის სიტყვებზე დაყრდნობით, რომ “გლოვა ჯერ ნაადრევია”.

RFE/RL ასევე იუწყება ეუთოს წარმომადგენლის რიჩარდ მარფის სიტყვებზე დაყრდნობით, რომ ამერიკის შეერთებულმა შტატებმა, ევროკავშირმა და სხვა ქვეყნებმა პირობა დადეს, რომ განაგრძონ რუსეთზე ზეწოლა, რათა ვეტოს შესახებ გადაწყვეტილება გაუქმდეს.          
 

This post is also available in: English Русский