ახალი ამბები
ISFED-ი უკრაინის საპრეზიდენტო არჩევნებზე მონიტორინგს განახორციელებს
23 დეკემბერს “სამართლიანი არჩევნებისა და დემოკრატიის საერთაშორისო საზოგადოების” (ISFED) მოკლევადიან დამკვირვებელთა 30 კაციანი ჯგუფი უკრაინაში 26 დეკემბრის საპრეზიდენტო არჩევნების მეორე განმეორებით ტურზე დასაკვირვებლად მიემგზავრება.
15 ოქტომბრიდან ISFED-ის 5-კაციანი დამკვირვებელთა ჯგუფი სინასაარჩევნო პროცესების მიმდინარეობას ადევნებს თვალს.
ISFED-ის მისია უკრაინის საპრეზიდენტო არჩევნების განმეორებით ტურს მონიტორინგს არჩევნებზე მონიტორინგის ევროპულ ორგანიზაციათა ქსელის (ENEMO) ფარგლებში გაუწევს. ENEMO-ში ევროპის 16 ქვეყნის სადამკვირვებლო ორგანიზაციაა გაერთიანებული.
ISFED-ი საქართველოში ჩატარებული ყველა სახის არჩევნების მონიტორინგს 1995 წლიდან ახორციელებს.