ახალი ამბები
სალომე ზურაბიშვილი სოფიაში გაემგზავრა
საგარეო საქმეთა მინისტრი სალომე ზურაბიშვილი დღეს ბულგარეთის დედაქალაქ სოფიაში გაემგზავრა, სადაც ეუთო-ს მინისტრთა საბჭოს მე-12 სხდომაში მიიღებს მონაწილეობას.
შეხვედრაზე სხვა მნიშვნელოვან საკითხებთან ერთად განიხილება ქართულ-აფხაზური და ქართულ-ოსური კონფლიქტების მოგვარების საკითხები.
ეუთო-ს მოქმედმა თავმჯდომარემ, ბულგარეთის საგარეო საქმეთა მინისტრმა სოლომონ პასიმ სხდომის გახსნისას განაცხადა, რომ ეუთო მიესალმება სამხრეთ ოსეთის კონფლიქტის მოგვარების საკითხში მიღწეულ პროგრესს.
