ახალი ამბები
ბაღაფში ბლოკადის მიუხედავად მოსკოვთან მჭიდრო ურთიერთობებს გეგმავს
აფხაზეთის თვითგამოცხადებული რესპუბლიკის ოპოზიციის ლიდერმა სერგეი ბაღაფშმა დაგმო რუსეთის გადაწყვეტილება აფხაზეთთან სარკინიგზო მიმოსვლის შეწყვეტის თაობაზე, თუმცა დასძინა, რომ ეს ქმედება უარყოფითად არ იმოქმედებს რუსეთ-აფხაზეთის ურთიერთობებზე.
“ჩვენ კვლავ რუსეთისკენ ვართ ორიენტირებულნი“, განაცხადა ბაღაფშმა რადიოსადგურ “ეხო მოსკვი“-სთვის მიცემულ ინტერვიუში.
ბაღაფში, რომელიც 6 დეკემბერს პრეზიდენტის ინაუგურაციისთვის ემზადება, აცხადებს, რომ რუსეთის გადაწყვეტილება საზღვარზე შეზღუდვების დაწესებასთან დაკავშირებით, მიზნად ისახავს უარი ათქმევინოს ოპოზიციას ინაუგურაციის გეგმებზე.
“საზღვრის ჩაკეტვა პირველ რიგში ღარიბ მოსახლეობაზე იქონიებს ზეგავლენას“, დასძენს იგი.