ახალი ამბები
ყრილობაზე მმართველი პარტიის ხელმძღვანელობა აირჩიეს
დღეს “ერთიანი ნაციონალური მოძრაობის” პარტიის გენერალურ მდივნად დეპუტატი გიორგი არველაძე აირჩიეს. დღესვე ოფიციალურად გაერთიანდა პრეზიდენტის “ნაციონალურ მოძრაობა” და პრემიერ-მინისტრის პარტია “გაერთიანებულ დემოკრატები”, რომლებიც დღემდე იურიდიულად ცალკ-ცალკე პარტიებს წარმოადგენდნენ.
პარტიის თავმჯდომარე კვლავაც საქართველოს პრეზიდენტი მიხეილ სააკაშვილი იქნება, ხოლო პოლიტიკურ საბჭოს პრემიერ-მინისტრი ზურაბ ჟვანია ჩაუდგება სათავეში.
პარტიის ხელმძღვანელ თანამდებობს დაიკავებენ დეპუტატი დავით კირკიტაძე და პარლამენტის ვიცე-სპიკერი მიხეილ მაჭავარიანი.
“ასევე ხელმძღვანელებად ჩაითვლებიან საპარლამენტო უმრავლესობის მმართველი რგოლის წარმომადგენლებიც”, განაცხადა მმართველი პარტიის ყრილობაზე 22 ნოემბერს პრემიერ-მინისტრმა ზურაბ ჟვანიამ.
