ახალი ამბები
ცხინვალის რეგიონში ორი ქართველი სამშვიდობო დაიჭრა
ცხინვალის რეგიონში, სოფელ წვერიახოსთან ქართული სამშვიდობოების როტაციისას ორი ქართველი სამშვიდობო ცეცხლის გახსნის შედეგად დაიჭრა. ამის შესახებ დღეს ტელეკომპანია “რუსთავი 2“-ის ეთერში შიდა ქართლის სამხარეო პოლიციის უფროსმა ალექსანდრე სუხიტაშვილმა განაცხადა.
“სროლა ოსური პოზიციებიდან განხორციელდა“, განაცხადა სუხიტაშვილმა.
მისი თქმით, მომხდარ ფაქტს შეესწრნენ რუსი სამშვიდობოები, რომლებიც ქართული საგუშაგოდან 400-500 მეტრში არიან განლაგებულნი. ამის შესახებ ინფორმირებულები არიან ეუთო-ს დამკვირვებლებიც.
დაჭრილი ჯარისკაცები სოფელ ქურთის საავადმყოფოში გადაიყვანეს. სუხიტაშვილის განცხადებით, მათი მდგომარეობა მძიმეა.