თამარაშენში ავტოსაგზაო შემთხვევის შედეგად ოთხი პოლიციელი დაშავდა

ცხინვალის რეგიონში, სოფელ თამარაშენის საგუშაგოზე ოთხ ქართველ პოლიციელს ავტომანქანა დაეჯახა, რომელთაგანაც ერთ-ერთი მძიმედ დაშავებული თბილისის საავადმყოფოში მოათავსეს, ხოლო დანარჩენებს სოფელ ქურთის საავადმყოფოში გაუწიეს დახმარება.
 
შიდა ქართლის სამხარეო პოლიციის უფროსის ალექსანდრე სუხიტაშვილის ინფორმაციით, ავტომანქანას ოსი ეროვნების მძღოლი მართავდა, რომელმაც “განზრახ დააჯახა მანქანა პოლიცილებს” და ინციდენტის შემდეგ მიმალვა შეძლო.