ახალი ამბები
აფხაზეთის უშიშროება საზღვართან ქართული სპეცრაზმის მობილიზებაზე საუბრობს
თვითგამოცხადებული აფხაზეთის სახელმწიფო უშიშროების სამსახურის უფროსმა მიხეილ ტარბამ 19 ნოემბერს განაცხადა, რომ “აფხაზეთის საზღვრის მახლობლად ქართული სპეცრაზმის მობილიზება ხდება“.
“ამჟამად მიმდინარეობს რეზერვისტთა მობილიზება აფხაზეთის საზღვართან ახლოს. ხვალ იქ [20 ნოემბერს] ქართველ კომანდოსთა წვრთნებია დაგეგმილი“, აცხადებს “რია ნოვოსტი“ მიხეილ ტარბას სიტყვებზე დაყრდნობით.
მისი თქმით, საქართველოსთან [ადმინისტრაციული] საზღვარი დაცულია, თუმცა საჭიროების შემთხვევაში მოხდება აფხაზეთის დამატებითი რაზმის გადასროლა საზღვარზე.
“მივმართავ აფხაზეთის მოსახლეობას და მასმედიას: ნუ ძაბავთ სიტუაციას აფხაზეთში. აფხაზეთში მიმდინარე მოვლენები ჩვენი შიდა საქმეა და ჩვენ თავად მოვაგვარებთ ყველა პრობლემას“, დასძინა ტარბამ.
