ახალი ამბები
ქართველი სამშვიდობოთა ასეული ერაყიდან დაბრუნდა
19 ნოემბერს ღამით ქართული სამშვიდობო ასეული 105 ჯარისკაცის შემადგენლობით ერაყიდან დაბრუნდა. მათ თავდაცვის სამინისტროს შვეულმფრენთა საავიაციო ბაზაზე თავდაცვის მინისტრი გიორგი ბარამიძე და აშშ-ს ელჩი საქართველოში რიჩარდ მაილსი დახვდნენ.
159 ჯარისკაციანი ქართული კონტიგენტის დარჩენილი 54 სამხედრო სამშობლოში დღეს დაბრუნდება.
აღნიშნული კონტიგენტი, რომელიც ერაყში აპრილიდან იმყოფებოდა, უკვე ჩაანაცვლა 300 კაციანმა ქართულმა შენაერთმა, რომელიც ერაყში 8 ნოემბერს გაემგზავრა.
დაგეგმილია, რომ ქართველ სამშვიდობოთა რაოდენობა ერაყში უახლოეს ხანებში 850-მდე გაიზრდება.
საქართველო კოალიციის ძალებში 2003 წლის აგვისტოდან მონაწილეობს. საწყის ეტაპზე ქართული კონტიგენტი 70 ჯარისკაცს და სამხედრო ექიმს ითვლიდა.