ახალი ამბები
სააკაშვილმა ბუშს არჩევნებში გამარჯვება მიულოცა და საქართველოში მოიწვია
საქართველოს პრეზიდენტი მიხეილ სააკაშვილი დღეს აშშ-ს პრეზიდენტს ჯორჯ ბუშს ტელეფონით ესაუბრა და მას 2 ნოემბრის არჩევნებში პრეზიდენტად მეორე ვადით არჩევა მიულოცა. ამის შესახებ “სივილ ჯორჯიას” პრეზიდენტის პრესსამსახურის უფროსმა მედეა ახალკაცმა განუცხადა.
პრეზიდენტ სააკაშვილის განცხადებით, საქართველოსთვის აშშ-სთან თანამშრომლობას განსაკუთრებული მნიშვნელობა აქვს.
საუბრის ბოლოს მიხეილ სააკაშვილმა ჯორჯ ბუში საქართველოში მოიწვია, რაზეც აშშ-ს პრეზიდენტმა მადლობა მოიხადა.
ჯორჯ ბუშმა სატელეფონო საუბარში კმაყოფილება გამოხატა საქართველოს ხელისუფლების მიმართ ერაყში დამატებითი ჯარების გაგზავნის გამო და საქართველოს მხარდაჭერა მომავალშიც აღუთქვა.
