ახალი ამბები
აშშ-ს თავდაცვის დეპარტამენტის დელეგაცია იარაღის გაუვრცელებლობის საკითხებს თბილისში განიხილავს
დღეს თბილისს ოფიციალური ვიზიტით აშშ-ს თავდაცვის დეპარტამენტის დელეგაცია ეწვევა, რომლის მიზანიც საქართველოში იარაღის გაუვრცელებლობის შესახებ არსებულ ვითარების გაცნობაა. ვიზიტის ფარგლებში განიხილება იარაღის გაუვრცელებლობის შესახებ საერთაშორისო პროგრამის სამომავლო პერსპექტივები და მასში საქართველოს მონაწილეობის საკითხები.
9 ნოემბერს დელეგაცია საზღვრის დაცვის დეპარტამენტის თავმჯდომარეს ბადრი ბიწაძეს შეხვდება.
ოფიციალური ვიზიტის ფარგლებში აშშ-ს დელეგაცია საქართველოს მთავრობასთან შეათანხმებს იარაღის გაუვრცელებლობის შესახებ ბუდაპეშტში 6-10 დეკემბერს დაგეგმილ საერთაშორისო სემინარში საქართველოს წარმომადგენლობის მონაწილეობის დეტალებს. სემინარის გამართვას აშშ-ს სახელმწიფო დეპარტამენტი გაუწევს ფინანსურ მხარდაჭერას.
