ახალი ამბები
ეროვნული უშიშროების საბჭოს მდივანი მოსკოვში მიემგზავრება
საქართველოს ეროვნული უშიშროების საბჭოს მდივანი გელა ბეჟუაშვილი დღეს ორდღიანი ოფიციალური ვიზიტით მოსკოვში მიემგზავრება, სადაც იგი საქართველოს შიდა კონფლიქტების მოგვარების თაობაზე რუსეთ-საქართველოს თანამშრომლობის საკითხებს განიხილავს.
მხარეები ასევე განიხილავენ თანამშრომლობის გაღრმავებას ტერორიზმის და ორგანიზებული დანაშაულის წინააღმდეგ ბრძოლაში.
გელა ბეჟუაშვილი გააგრძელებს მუშაობას რუსულ მხარესთან საქართველოს პრემიერ-მინისტრ ზურაბ ჟვანიასა და სამხრეთ ოსეთის დე ფაქტო პრეზიდენტ ედუარდ კოკოითს შორის 5 ნოემბერს მიღწეული შეთანხმების შესრულების კუთხითაც.
კერძოდ, შეთანხმება ითვალისწინებს 20 ნოემბრამდე სამხრეთ ოსეთის კონფლიქტის ზონის დემილიტარიზაციას, მოსახლეობის თავისუფალ გადაადგილებას და ერთობლივი ეკონომიკური პროექტების განხოციელებას.
