აფხაზეთის სანაპირო დაცვამ რუსეთიდან კატარღები მიიღო

გაზეთ “კვირის პალიტრის“ სამხედრო დამკვირვებლის ჟურნალისტური გამოძიების შედეგად გამოვლინდა, რომ აფხაზეთის სანაპირო დაცვამ რუსეთიდან “შმელის” ტიპის 4 სადარაჯო კატარღა მიიღო. კატარღებმა 2004 წლის აგვისტოში გამართულ სამხედრო წვრთნებში მიიღეს მონაწილეობა.

“შმელი” შეიარაღებულია 76,2 მმ კალიბრიანი სატანკო ქვემეხით, მისი წყალწყვა 78 ტონამდეა, სიგრძე – 28 მეტრი. ამგვარი ტიპის კატარღები 60-იან წლებში შეიქმნა საბჭოთა კავშირისა და ჩინეთის სასაზღვრო მდინარეების პატრულირების მიზნით. ისინი მოუხერხებელია საზღვაო ოპერაციებისთვის, თუმცა მათი გამოყენება შესაძლებელია პორტების დასაცავად.