რუსეთის ტრანსპორტის მინისტრი საქართველოში ჩამოდის

რუსეთის ტრანსპორტის მინისტრი იგორ ლევიტინი 1 ნოემბერს ერთდღიანი ვიზიტით საქართველოში ჩამოდის. შეხვედრის დროს საქართველოს ხელისუფლება, სავარაუდოდ, მოსკოვსა და სოხუმს შორის რკინიგზის აღდგენის საკითხს წამოწევს.

სარკინიგზო მიმოსვლა სოხუმსა და მოსკოვს შორის 10 სექტემბერს განახლდა, რასაც თბილისის პროტესტი მოჰყვა.

რუსეთის ტრანსპორტის მინისტრი შეხვდება პრეზიდენტ სააკაშვილს, პრემიერ-მინისტრ ზურაბ ჟვანიას და ეკონომიკის მინისტრს კახა ბენდუქიძეს.