ახალი ამბები
საქართველომ მედიის თავისუფლების რეიტინგში უკან დაიწია
პარიზის მედიის უფლებების დამცველი ჯგუფის “Reporters Sans Frontieres” (ჟურნალისტები საზღვრების გარეშე) მიერ გამოქვეყნებულ პრესის თავისუფლების ყოველწლიურ რეიტინგში საქართველოს 94-ე ადგილი უჭირავს. მოხსენება 167 ქვეყანაში პრესის თავისუფლების ხარისხს ეხება.
გასული წლის ანალოგიურ მოხსენებაში, რომელიც 166 ქვეყანას მოიცავდა, საქართველოს 73-ე ადგილი ეკავა.
დსთ-ს ქვეყანათა შორის საქართველოს წინ უსწრებს სომხეთი, რომელსაც 83 ადგილი უკავია, მაშინ როცა შარშან სომხეთი 90-ე ადგილზე იყო.