საქართველომ უმნიშვნელო პროგრესს მიაღწია კორუმპირებული ქვეყნების სიაში

“თრანსფერენსი ინთერნეიშენელის“ ყოველწლიურ მოხსენებაში, რომელიც სხვადასხვა ქვეყნებში კორუფციის დონეს ეხება, საქართველოს ყველაზე კორუმპირებულ ქვეყნებს შორის უკავია ადგილი. 

“თრანსფერენსი ინთერნეიშენელის“ მიერ 20 ოქტომბერს გამოქვეყნებულ ყოველწლიურ მოხსენებაში საქართველოს 146 ქვეყანას შორის 136-ე ადგილი უკავია. გასულ წელთან შედარებით, როცა საქართველოს 133 ქვეყანას შორის 127-ე ადგილი ეკავა, ეს არც თუ მნიშვნელოვან პროგრესად შეიძლება ჩაითვალოს.

წლევანდელი მოხსენების მიხედვით, საქართველო დსთ-ს მხოლოდ სამ ქვეყანას უსწრებს – ტაჯიკეთს, თურქმენეთს და აზერბაიჯანს.

“თრანსფერენსი ინთერნეიშენელი” წარმოადგენს საერთაშიროსო არასამთავრობო ორგანიზაციას, რომელიც კორუფციის დონის მონიტორინგს აწარმოებს.