ახალი ამბები
ე.წ. სამხრეთ ოსეთში სროლები დაფიქსირდა
18 ოქტომბერს ცხინვალის რეგიონში, სოფელ ავნევში გამთენიისას ოსურმა მხარემ ცეცხლი გახსნა, რასაც ქართული მხარის საპასუხო სროლები არ მოჰყოლია. ინციდენტის შედეგად არავინ დაზარალებულა. ამის შესახებ “სივილ ჯორჯიას“ ქართულ-ოსური კონფლიქტის ზონაში ქართული სამშვიდობო ბატალიონის მეთაურმა ალექსანდრე კიკნაძემ აცნობა.
მისი თქმით, ინციდენტის შემდეგ ადგილზე შერეული სამშვიდობო ძალების წარმომადგენლები და ეუთო-ს დამკვირვებლები ჩავიდნენ.
ინტენსიური სროლების შესახებ ინფორმაცია ოსურმა მხარემაც გაავრცელა, თუმცა ცეცხლის გახსნაში ქართული მხარე დაადანაშაულა.