რუსეთის სახმელეთო ძალების მეთაურის მოადგილე საქართველოში იმყოფება

რუსეთის სახმელეთო ძალების მეთაურის მოადგილე ვალერი ევნევიჩი, რომელიც ამჟამად საქართველოში იმყოფება, 7 ოქტომბერს საქართველოს თავდაცვის მინისტრს გიორგი ბარამიძეს ხვდება.

მხარეები განიხილავენ სამხრეთ ოსეთის კონფლიქტის ზონაში არსებულ სიტუაციას და რეგიონში განთავსებული შერეული სამშვიდობო ძალების საქმიანობას.

ვალერი ევნევიჩი ასევე შეხვდება საქართველოს სახელმწიფო მინისტრს კონფლიქტების მოგვარების საკითხებში გოგა ხაინდრავას.