ახალი ამბები
სააკაშვილი გაეროს გენერალურ ასამბლეას სიტყვით მიმართავს
პრეზიდენტი სააკაშვილი 19 სექტემბერს ნიუ-იორკში გაემგზავრა, სადაც გაეროს გენერალური ასამბლეის 59-ე სესიაში მიიღებს მონაწილეობას.
სავარაუდოდ, პრეზიდენტი აფხაზეთისა და სამხრეთ ოსეთის კონფლიქტებზე, ასევე რუსეთ-საქართველოს ურთიერთობებზე გაამახვილებს ყურადღებას.
საქართველოს საგარეო საქმეთა მინისტრი სალომე ზურაბიშვილი, რომელიც თან ახლავს პრეზიდენტს, მონაწილეობას მიიღებს სუუამის (საქართველო, უკრაინა, უზბეკეთი, აზერბაიჯანი, მოლდოვა) წევრი ქვეყნების საგარეო საქმეთა მინისტრების შეხვედრაში.