პრეზიდენტმა გიორგი ჭანტურია თანამდებობიდან გაანთავისუფლა
საქართველოს პრეზიდენტის მიხეილ სააკაშვილის 2004 წლის 9 სექტემბრის ბრძანებულების საფუძველზე დაკავებული თანამდებობიდან განთავისუფლდა საქართველოს ნავთობის საერთაშორისო კორპორაციის პრეზიდენტი გიორგი ჭანტურია.
ამავე ბრძანებულების საფუძველზე ჭანტურიას ჩამოერთვა საქართველოს პრეზიდენტის საგანგებო რწმუნებულის სტატუსი, რომელიც მას ექს-პრეზიდენტის ედუარდ შევარდნაძის დროს აღმოსავლეთ-დასავლეთის ენერგეტიკული დერეფნისა და ნავთობისა და გაზის ტრანსპორტირების სისტემათა განვითარების საკითხებში მიენიჭა.
გიორგი ჭანტურია საქართველოს ნავთობის საერთაშორისო კორპორაციას მისი შექმნის დღიდანვე, 1995 წლიდან უდგას სათავეში. იგი საპასუხისმგებლო თანამდებობაზე შევარდნაძის ერთ-ერთი ბოლო კადრია, რომელმაც “ვარდების რევოლუციიდან” დღემდე თანამდებობა შეინარჩუნა.
ჯერ-ჯერობით უცნობია ჭანტურიას თანამდებობიდან განთავისუფლების მოტივი და ასევე, მისი შემცვლელის ვინაობაც.