საქართველო სავიზო რეჟიმს ამარტივებს
“9 სექტემბრიდან საქართველოში შემოსვლის მსურველები ვიზებს გამარტივებული წესით, აეროპორტებში აიღებენ”, განაცხადა საქართველოს საგარეო საქმეთა მინისტრმა სალომე ზურაბიშვილმა 2 სექტემბერს გამართულ პრესკონფერენციაზე.
ახალი ტარიფების მიხედვით ერთთვიანი ვიზა 10 აშშ დოლარი, სამთვიანი – 30, ხოლო ერთწლიანი – 100 აშშ დოლარი ეღირება, რაც გაცილებით დაბალი განაკვეთებია მოქმედ ტარიფებთან შედარებით.
დღემდე, გამარტივებული სავიზო რეჯიმი საქართველოს ჰქონდა თურქეთთან, რაც ვიზების სასაზღვრო-გამშვებ პუნქტებში აღების შესაძლებლობას გულისხმობს.
ასევე 2004 წლის ივლისიდან საქართველოს მიერ ცალმხრივად გამარტივებული რეჟიმი მოქმედებს რუსეთის ფედერაციასთანაც.
პრეზიდენტებს სააკაშვილსა და პუტინს შორის მიღწეული შეთანხმების მიუხედავად, ჯერ-ჯერობით რუსეთს საქართველოს მოქალაქეებისათვის სავიზო რეჟიმის გამარტივების გადაწყვეტილება არ მიუღია.