ევროკომისიამ აფხაზეთის კონფლიქტში დაზარალებულთათვის 4 მლნ ევრო გამოყო

ევროკომისიამ ქართულ-აფხაზური კონფლიქტის დროს დაზარალებულ პირთათვის ჰუმანიტარული დახმარების სახით 4 მლნ ევრო გამოყო.
 
ჰუმანიტარულ დახმარებას – სურსათს, წამლებს და სხვა პირველადი საჭიროების ნივთებს, მიიღებენ საქართველოს სხვადასხვა კუთხეში მცხოვრები იძულებით გადაადგილებული პირები, ისევე როგორც აფხაზეთში მცხოვრები ყველაზე გაჭირვებული ფენები.
 
გამოყოფილი თანხის მიზნობრივად ხარჯვას ევროკომისიის ჰუმანიტარული ბიურო განკარგავს.