ქართულმა და ოსურმა მხარეებმა დაკავებულები გაცვალეს

26 აგვისტოს ოსურმა მხარემ მძევლად აყვანილი ქარელის რაიონის სოფელ დერბში მცხოვრები ქართველი გიორგი ხატაშვილი გაანთავისუფლა. ხატაშვილი 24 აგვისტოს გაიტაცეს.
 
გიორგი ხატაშვილის სანაცვლოდ ქართულმა მხარემ ერთი თვის წინ ქართულ-ოსური კონფლიქტის ზონაში იარაღის უკანონოდ გადატანის გამო დაკავებული ოსი ეროვნების, მილიციის ყოფილი თანამშრომელი გენადი ძაგაევი გაანთავისუფლა.