სააკაშვილი აჭარას წინასაარჩევნოდ ეწვია
საქართველოს პრეზიდენტი მიხეილ სააკაშვილი 17 ივნისს აჭარის ავტონომიურ რესპუბლიკას ეწვია, სადაც იგი თავისი პარტიის მხარდასაჭერად წინასაარჩევნო კამპანიას გამართავს.
პრეზიდენტის მხარდამჭერი ძალა არჩევნებში მონაწილეობას “სააკაშვილი – გამარჯვებული აჭარა“-ს სახელწოდებით მიიღებს, რომლის წევრთა უმეტესობა მმართველი პარტიის “ნაციონალური მოძრაობა – დემოკრატების” პარტიას მიეკუთვნებიან.
აჭარის მოსახლეობა 20 ივნისს ახალ, 30-კაციან ადგილობრივ საკანონმდებლო ორგანოს – უზენაეს საბჭოს – აირჩევს.
აჭარის ყოფილი მეთაურის ასლან აბაშიძის გადადგომის შემდეგ, პრეზიდენტმა სააკაშვილმა გააუქმა აბაშიძის მარიონეტული ორპალატიანი პარლამენტი და რეგიონში პირდაპირი საპრეზიდენტო მმართველობა დაამყარა. რეგიონს არჩევნებამდე 20-კაციანი დროებითი საპრეზიდენტო საბჭო ხელმძღვანელობს.