გეგუთის ციხის ადმინისტრაციას თანამდებობები დაატოვებინეს
გეგუთის სასჯელაღსრულების მკაცრი და საერთო რეჟიმის მე-8 დაწესებულების ციხიდან პატიმრების გაქცევის გამო დღეს დირექტორი ამბერგი რობაქიძე და მისი მოადგილე დაკავებული თანამდებობებიდან გაანთავისუფლეს. სამსახური ასევე დატოვა ციხის 7-მა თანამშრომელმა.
გეგუთის ციხიდან 41 პატიმრის გაქცევა 15 ივნისს გვიან ღამით მოხდა, ავტომატური ცეცხლსასროლი იარაღით შეიარაღებულმა პატიმრებმა გაქცევის დროს მძიმედ დაჭრეს ციხის გუშაგი, რომელიც მოგვიანებით გარდაიცვალა.
სამართალდამცავმა ორგანოემბა ჯერ-ჯერობით 6 გაქცეული პატიმრის დაკავება შეძლეს. შინაგან საქმეთა მინისტრმა ირაკლი ოქრუაშვილმა, რომელიც ადგილზე იმყოფებოდა, გაქცეულ პატიმრებს ორი დღის ვადა მისცა ნებაყოფლობით დასაბრუნებლად. ასეთ შემთხვევაში ირაკლი ოქრუაშვილის დაპირებით პატიმრებზე დამატებითი სასჯელი არ გახორციელდება.
