ახალი ამბები
აფხაზეთის დე-ფაქტო ხელისუფლების სამმა წევრმა თანამდებობა დატოვა
აფხაზეთის თვითგამოცხადებული რესპუბლიკის რამდენიმე მინისტრმა დღეს თანამდებობა დატოვა. ამის შესახებ ინფორმაციას აფხაზური საინფორმაციო სააგენტო “აფსნიპრესი“ ავრცელებს.
თანამდებობები დატოვეს პირველმა ვიცე-პრემიერმა ასტამურ ტარბამ, საგარეო საქმეთა მინსიტრმა სერგეი შამბამ და სახელმწიფო უშიშროების სამსახურის უფროსმა გივი აგრბამ.
გავრცელებული ინფორმაციით, მინისტრებმა თანამდებობები ოპოზიციური მოძრაობის ერთ-ერთი ლიდერის გარი აიბას მკვლელობის გამო დატოვეს.
ჯერ-ჯერობით მინისტრების განცხადებები თანამდებობის დატოვების შესახებ არ დაუკმაყოფილებია პრემიერ-მინისტრ რაულ ხაჯიმბას.
გარი აიბა გასულ კვირას დაუდგენელმა პირებმა საკუთარი სახლის წინ ავტომანქანაში ცეცხლასაროლი იარაღით დაჭრეს, მოგვიანებით კი იგი საავადმყოფოში გარდაიცვალა.
