ახალი ამბები
მიხეილ სააკაშვილი ჯორჯ ბუშს ხვდება
საქართველოს პრეზიდენტის მიხეილ სააკაშვილის შეხვედრა ამერიკის პრეზიდენტთან ჯორჯ ბუშთან 25 თებერვალს ვაშინგტონშია დაგეგმილი.
„მე ბევრად უფრო ვნერვიულობდი პუტინთან [რუსეთის პრეზიდენტთან] შეხვედრამდე. აშშ-სთან ურთიერთობებში ყველაფერი გარკვეულია. ჩვენ მეგობრები ვართ და ამ ურთიერთოებებს შევინარჩუნებთ“, – განუცხადა მიხეილ სააკაშვილმა ჟურნალისტებს 24 თებერვალს.
23 თებერვალს ამერიკაში ჩასვლის შემდეგ სააკაშვილი ვაშინგტონში ბუშის ადმინისტრაციის მაღალი რანგის წარმომადგენლებთან აწარმოებს მოლაპარაკებებს.
იმ საკითხებს შორის, რომლებიც ქართულმა მხარემ აშშ-ში უნდა განიხილოს, პრიორიტეტულია უსაფრთხოების სფეროში უფრო ახლო
ურთიერთობების დამყარება და ფინანსური დახმარების გაზრდა.