ახალი ამბები
წვრთნისა და აღჭურვის პროგრამა ტაქტიკური წვრთნის ახალი ფაზის გახსნას აღნიშნავს
საქართველოს წვრთნისა და აღჭურვის პროგრამის ტაქტიკური წვრთნის მეხუთე ფაზა დღეს ერთობლივი ქართულ-ამერიკული ცერემონიით გაიხსნა.
სატანკო მექანიზებული ასეულის საწვრთნელი ფაზის აღმნიშვნელი ცერემონია კრწანისის საწვრთნელ პოლიგონზე ჩატარდა. ამ საწვრთნელ ფაზას აშშ-ს საზღვაო ქვეითთა კორპუსი გაუძღვება.
პროგრამის ფარგლებში მომზადება უკვე ოთხმა ქართულმა ბატალიონმა გაიარა.
წვრთნისა და აღჭურვის პროგრამა 2004 წლის ზაფხულში დასრულდება, თუმცა ამერიკის შეერთებული შტატები ქართული ჯარის გაწვრთნას მომავალშიც გეგმავს.