ახალი ამბები
ბათუმის საზოგადოებრივი კომიტეტის ლიდერი ლევან კაჭარავა გაათავისუფლეს
ბათუმში შექმნილი საზოგადოებრივი კომიტეტის დამფუძნებელი, მემედ აბაშიძის სახელობის სტიპენდიანტი ლევან კაჭარავა, რომელიც დაუდგენელმა პირებმა დღეს დილით გაიტაცეს ორი საათის შემდეგ სახლში დააბრუნეს.
“ლევან კაჭარავა სასტიკად არის ნაცემი. ჯერ-ჯერობით ვერ დადგინდა მისი გამტაცებლების ვინაობა. იგი გააფრთხილეს, რომ თუ მომავალშიც გააგრძელებს თავის საქმიანობას, მასზე ზეწოლა გაგრძელდება ”, – განუცხადა “სივილ ჯორჯიას” საზოგადოებრივი კომიტეტის წევრმა თეა ჯღარკავამ.
ლევან კაჭარავა აჭარის მოსახლეობაში საპრეზიდენტო არჩევნების ჩატარების მოთხოვნით ხელმოწერების შეგროვებისა და საზოგადოებრივი კომიტეტის დაფუძნების ერთ-ერთი ინიციატორია. კომიტეტი აჭარის ხელისუფლებას მისი პოლიტიკის გამო აკრიტიკებს.