პარლამენტმა საარჩევნო კოდექსში ცვლილებები შეიტანა
(თბილისი, 28 ნოემბერი, 2003, სივილ ჯორჯია) – პარლამენტის დღევანდელ სხდომაზე დეპუტატებმა საარჩევნო კოდექსში ცვლილებები შეიტანეს, რომელთა მიხედვითაც ცენტრალური საარჩევნო კომისიის თავჯდომარეს პრეზიდენტი ნიშნავს პარლამენტის თანხმობით. მეორე ცვლილების თანახმად, მომავალი არჩევნების დროს მოხდება ყველა ამომრჩევლის მარკირება. 2 ნოემბრის საპარლამენტო არჩევნების დროს მხოლოდ ამომრჩეველთა ნაწილი იქნა მარკირებული. საარჩევნო კოდექსში ერთ-ერთი ცვლილების თანახმად, ცსკო-ს არ აქვს უფლება გამოაქვეყნოს ხმების დათვლის შემაჯამებელი ოქმი, იმ შემთხვევაში თუ სასამართლო დარღვევების შესახ სარჩელს განიხილავს. აქამდე ცსკო-ს ჰქონდა უფლება სასამართლოს მიერ სარჩელის განხილვის შემთხვევაშიც გამოექვეყნებინა შემაჯამებელი ოქმი. გარდა ამისა, დეპუტატებმა გადაწიეს 4 იანვარს დაგეგმილ საპრეზიდენტო არჩევნებში მონაწილე კანდიდატების წარდგენის ბოლო ვადა 5 დეკემბრამდე.