ახალი ამბები
შევარდნაძის თქმით, მისი გარემოცვა იყო მისი გადადგომის წინააღმდეგი
(თბილისი, 25 ნოემბერი, 2003, სივილ ჯორჯია) – საქართველოს ტელევიზიამ გააშუქა ექს-პრეზიდენტ ედუარდ შევარდნაძისა და საქართველოს კათალიკოს-პატრიარქის ილია II-ის შეხვედრა.
ეს შევარდნაძის პირველი გამოჩენა იყო 23 ნოემბერს საღამოს მისი გადადგომის შემდეგ.
“მე დილითვე უნდა გადავმდგარიყავი. ნანულიმაც [ედუარდ შევარდნაძის მეუღლე] მითხრა, რომ გადავმდგარიყავი. პაატამაც [შევარდნაძე, ექს-პრეზიდენტის ვაჟი] დამირეკა და მითხრა იგივე, მაგრამ რა უნდა მექნა? ჩემს გარშემო იყო ხალხი, მათ შორის ჯორბენაძე [სახელმწიფო მინისტრი], რომლებიც წინააღმდეგ იყვნენ”, – განუცხადა ედუარდ შევარდნაძემ ილია II.
ამჟამად, შევარდნაძე კრწანისის რეზიდენციაში იმყოფება, მიუხედავად 24 ნოემბერს დილით გავრცელებული ხმებისა, რომ იგი გერმანიაში იმყოფება.