ახალი ამბები
პარლამენტის სხდომა 25 ნოემბერს გაიმართება
(თბილისი, 24 ნოემბერი, 2003, სივილ ჯორჯია) – პარლამენტის თავჯდომარის მოვალეობის შემსრულებელმა გიგი წერეთელმა დღეს განაცხადა, რომ პარლამენტის სხდომა 25 ნოემბერს 4 საათზე ჩატარდება. “ქვორუმის პრობლემა არ არსებობს. ჩვენ კონსულტაციებს ვაწარმოებთ სხვადასხვა პოლიტიკური პარტიების წარმომადგენლებთან ამის თაობაზე”, – განუცხადა გიგი წერეთელმა ჟურნალისტებს 24 ნოემბერს. მისი თქმით, მომავალი საპრეზიდენტო არჩევნების თარიღიც, სავარაუდოდ, ხვალინდელ სხდომაზე განისაზღვრება.
