ახალი ამბები
კოფი ანანი ქართველ პოლიტიკოსებს კრიზისის მშვიდობიანი მოგვარებისკენ მოუწოდებს
(თბილისი, 22 ნოემბერი, 2003, სივილ ჯორჯია) – გაეროს გენერალურმა მდივანმა კოფი ანანმა 21 ნოემბერს ქართველ პოლიტიკოსებს მოუწოდა, რომ ყველაფერი გააკეთონ იმისათვის, რომ ნაპოვნი იქნას მშვიდობიანი გამოსავალი 2 ნოემბერს ჩატარებული საპარალემნტო არჩევნების შემდეგ წარმოქმნილი კრიზისული სიტუაციიდან.
განცხადებაში, რომლითაც კოფი ანანის სახელით გაერო-ს პრესმდივანი გამოვიდა, ნათქვამია, რომ გენერალური მდივანი ინტერესით და მღელვარებით ადევნებს თვალყურს საქართველოში მოვლენების განვითარებას. იგი იმედს გამოთქვამს, რომ დემონსტრაციები კვლავინდებურად მშვიდობიანი ხასიათის იქნება და ყველა მხარე მაქსიმალურ თავდაჭერილობას გამოიჩენს.