ცსკო-მ არჩევნების საბოლოო შედეგები გამოაცხადა
1. სახელისუფლებო ბლოკი "ახალი საქართველოსთვის" – 21.32%
2. აღორძინების კავშირი – 18.84%
3. ნაციონალური მოძრაობა – 18.8%
4. ლეიბორისტული პარტია – 12.04%
5. ბურჯანაძე-დემოკრატები – 8.79%
6. ახალი მემარჯვენეები – 7.35%
შედეგად, პროპორციული არჩევნების მეშვეობით სახელისუფლებო ბლოკმა ახალ პარლამენტში 38 მანდატი მოიპოვა, აღორძინებამ – 33, ნაციონალურმა მოძრაობამ – 32, ლეიბორისტულმა პარტიამ – 20, ბურჯანაძე-დემოკრატებმა – 15, ახალმა მემარჯვენეებმა – 12.
75 ადგილს 235 მანდატიან პარლამენტში მაჟორიტარი დეპუტატები დაიკავებენ, ხოლო დარჩენილ 10 ადგილს – აფხაზეთის ლეგიტიმური ხელისუფლების წარმომადგენლები.
ნაციონალური მოძრაობა და ბურჯანაძე-დემოკრატები ბოიკოტს უცხადებენ ახალ პარლამენტს და უარს ამბობენ საკანონმდებლო ორგანოში შესვლაზე. ისინი ხელისუფლებას არჩევნების შედეგების გაყალბებაში ადანაშაულებენ და პრეზიდენტ შევარდნაძის გადადგომასა და ახალი საპარლამენტო არჩევნების ჩატარებას მოითხოვენ.