სააკაშვილი აცხადებს, რომ შევარდნაძემ უნდა აღიაროს ოპოზიციის გამარჯვება, ან გადადგეს

(თბილისი, 8 ნოემბერი, 2003, სივილ ჯორჯია) – “ჩვენ გავაგრძელებთ საპროტესტო აქციებს, სანამ შევარდნაძე არ ცნობს ოპოზიციის გამარჯებას. წინააღმდეგ შემთხვევაში იგი უნდა გადადგეს”, – განაცხადა სააკაშვილმა დღევანდელ საპროტესტო აქციაზე, რომელიც თბილისში, თავისუფლების მოედანზე მიმდინარეობდა.

მოგვიანებით 30 ათასამდე ადამიანი თბილისის მუნიციპალიტეტიდან პარლამენტის მიმართულებით დაიძრა. ისინი ხელისუფლებისა და პრეზიდენტის წინააღმდეგ გამოდიან და მათ 2 ნოემბრის საპარლამენტო არჩევნების გაყალბებაში სდებენ ბრალს.

“ჩვენი ბრძოლა მშვიდობიანი იქნება, თუმცა, დათმობაზე არ წავალთ”, – განაცხადა “ბურჯანაძე-დემოკრატების” ლიდერმა ზურაბ ჟვანიამ.