ახალი ამბები
აჭარაში “აღორძინებამ” ამომრჩეველთა ხმების 95% მიიღო
(თბილისი, 6 ნოემბერი, 2003, სივილ ჯორჯია) – ცენტრალურმა საარჩევნო კომისიამ აჭარის ავტონიმიური რესპუბლიკის ცენტრალური საარჩევნო კომისიისგან მიიღო 2 ნოემბერს საპარლამენტო არჩევნების შედეგები, რომლის მიხედვით, 284 ათასი ამომრჩეველიდან 269 ათასი “დემოკრატიული აღორძინების” კავშირმა მიიღო, რაც 95%-ს შეადგენს.
ამის შესახებ 6 ნოემბერს ჟურნალისტებს აცნობა ცსკო-ს თავმჯდომარის მოადგილემ გივი კომახიძემ.
ამომრჩეველთა დანარჩენი ხმები “ახალი მემარჯვენეების” და “მრეწველობა გადაარჩენს საქართველოს” პარტიებზე გადანაწილდა.