ახალი ამბები
ლეიბორისტული პარტიის ლიდერი გმობს ოპოზიციის საპროტესტო აქციას
(თბილისი, 5 ნოემბერი, 2003, სივილ ჯორჯია) – ლეიბორისტული პარტიის ლიდერი შალვა ნათელაშვილი გმობს ნაციონალური მოძრაობისა და ბურჯანაძე-დემოკრატების მიერ დაწყებრულ საპროტესტო აქციას.
“ხალხი დაიღალა თქვენგან [ნაციონალური მოძრაობისგან და ბურჯანაძე-დემოკრატებისგან]. თქვენ დააქციეთ ეს ქვეყანა, აქამდე უნდა წასულიყავით პოლიტიკიდან. სისხლი გწყურიათ და გსურთ ქვეყანა პროვოკაციებში ჩაითრიოთ”, – განაცხადა ნათელაშვილმა 5 ნოემბერს გამართულ პრესკონფერენციაზე.
აღორძინების კავშირი და მრეწველთა პარტიაც წინააღმდეგნი არიან საპროტესტო აქციისა.
დღეს თბილისის ფილარმონიაში ოპოზიციის ლიდერები კვლავ შეიკრიბნენ თავიანთ მომხრეებთან ერთად და ხელისუფლებისგან კვლავ მოითხოვეს 2 ნოემბერს ჩატარებული საპარლამენტო არჩევნების ობიექტური შედეგების გამოქვეყნება.