“სამართლიანი არჩევნები” შეშფოთებულია ამომრჩეველთა სიებში უზუსტობების გამო

(თბილისი, 9 ოქტომბერი, 2003, სივილ ჯორჯია) – “სამართლიანი არჩევნებისა და დემოკრატიის საერთაშორისო საზოგადოება” შეშფოთებას გამოთქვამს ამომრჩეველთა სიებში უზუსტობების გამო.

“მოვუწოდებთ ყველა პოლიტიკურ პარტიას, მთავრობასა და საზოგადოებას,Mითანამშრომლონ ამომრჩეველთა სიების გადამოწმებაში, რათა თავიდან ავიცილოთ არჩევნების გაყალბება”, – ნათქვამია “სამართლიანი არჩევნების” მიერ გავრცელებულ განცხადებაში.

ამომრჩეველთა სიებში ბევრი გარდაცვლილის გვარებია, მაშინ როცა ბევრი ამომრჩეველი საერთოდ არ არის სიაში. ამგვარად, მათ არ ექნებათ საშუალება მონაწილეობა მიიღონ საპარლამენტო არჩევნებში.